s
s
s
s
s
s

El contenido de esta página requiere una versión más reciente de Adobe Flash Player.

Obtener Adobe Flash Player


Detalle

WALL MAPU MANGEL PU IRINTUKUFE

Pu wirintukufe, akui rumel taiñ trawual Newen inkatunielafiyin rumel mongen. Amun aukan werken reke kakel tripantu kom puche pelon wirrintukufe gieyiñ pelon pañil latra reke amuleaiñ walkenple püwuayin amun la che reke mongeleyin welu iño choyituayiñ küñe we mongen mu aukantuayiñ.

Kom pu che feula lalaai küme rüpü mu nag mapu mew amuayiñ amun ketran reke fengechi doy newentuai taiñ mongen.

Kuifike rumel tripantu ti wentru kimünei chumgechi taiñ mongen trawunkefui kom walmapu yengu fengechi kom wechakelu küme mongenkefui petu felekai. Welu ti wentru rumel nga zoy tremüklei ka ayümei zoy ñi tremal, femgechi alfeñkei ñuke mapu feimu mülei malal chifün klei tain mongeal kom kakel rüpü kintunole kakel tripantu feula ti wentru kom wechekeche kaiñetunieayiñ.


Kakelple tüfachi zungu ñi zoy ayulu wentru zuguamkakelai wechakelu mütem ñi tremal kañi mongen kizu tañi pu che yenefüi witranefüi tañi norchegenoam kewakewatuge pikefi feimu kom iñchin pa lagümkeyin kizu inchiñ mu iñche zoy kümechegen pikeyiñ kagelu, iñche zoy ülmenchegieñ eimi mu pikei.

Femgechi ñike mapu kutranklei müte wechakelu nentukei wentru, femgechi amun tralka püra pürawe nielu trokingei fütra longko.

Welu kom ñamklelai, püllümu, am mu trawun mu (wezake kewan) mülenonmu wechakelu (wezake wechakelu) chumgechi ta folilüi wirin amun koñin zomo reke, lakei küñe rumel welu wiño choyintukei ñi moyo.

 

1.- Küñe =  tüfa chi weza zungu mu zoy alfeñtulaafiyiñ ñuke mapu ti küme pelon küpantuniafii küme we tripantu. Wirintuküfe walmapu mu küñeple küme rüpü mu inaleayin küme liwen mu kakelple zoy nürüf klelai wentru.

2.- Epu = Walmapu wirrin tukufe gelai kakel re wirrintukufe kom pikelai inche gien kom gieyin. Kom elknuayin kaiñe lelin küñe lelin mu kaweltuayin füta trawun mu eluayin tain piam kom walmapu che ñi nieal.

3.- Küla = wirrintukufegeal wirrintugekelai mütem zungu mongengekei chumgechi tañi tripan piukemu mongekei longkomu ti rakiduam fengechi elungekei.

4.- Meli = walmapu wirrintukufegenmu azgekelai küñechimu ti zungu walmapu wirrintukufegenmu nüngekei tüfa chi mangel femgechi ta inkantukeyiñ mongen, ayün, kom zungu mülelu newentual mongen femgechi ta piayin elun ñi mongen, ñi mangel feimuta piayin afi weza zungu afi weza rakiduam femgechi ta tremkelai ti trawun, tukuayin taiñ küzaw kom pu che tañi nieal.

5.- Kechu = walmapu wirrintukufegenmu aukangeam, lefam kom lelfünple chew müleli che, femgechi zewmai rumel pun, ñi lelial chumgechi ta tremkelu mongen, munulkleyin feimu ta femayin. Feimu ta ilkunkelayin wezake zungu mu, utratuai taiñ zungu amun pelon yufken reke femgechi ta nüyütuai taiñ kaiñe taiñ zungu tralka reke amuleai wirintukunmu.

6.- Kayu = kimün nieyin tüfa chi küme zungu elukei walmapu wirrintukufe ñi küme tremal ti pu che rumel tripantu.

Muleai kizu ñi üy chilkatukun mu rumel kompuche tañi trawun rakizuam. Kakelu rupalu une mañumnefiyin elknuigun kume zungu feimu fachiantü feigün ka inchiñ walmapu wirrintukufe tüfa chi rumel tripantu mu (XXI) epu mari küñe rumel feimu taiñ trokiñ mu lelinieyin kompale kakel rumel.

Walmapu wirintukufe fachiantü nga mütrümnieyu tamün küme küzawal kume rakiduam ti pu che wirarklei chumgechi ta ñi mongeal.

7.- Regle = inchiñ walmapu wirrintukufe küñegeyiñ mütem, uneltu lelu ñizoltulelu, kimgegelu, kimnogelu ülmengelu ka ülmennolu, ti plang, ti kürü champurria chozklelu, welu fil mongenmuam müleli taiñ zuguam aukanmu kizu ñi küwü mu tripalu femgechi zoy nürüfgenoal puche, küñegeayin mapu mew  küme mongeleayiñ.

8.- Pura = walmapu wirrintukufe zunguaigün walkenple ñi mülenmu amun küllüm reke kompanoam ti weza zungu chew mülelu ñizol ruka ka lolol warria mu kachu mew chew küzawkelu ti rügal küzawfe wentru, welu wirrintukufe witran kompuai komple ñi werken zungu yengu amun mawün reke nagkelu mapu mew femgechi ta mañumkei amun rayen reke che ñi ge mu.

Ti wirrintukufe amun pelon aukan müleai trimiñ pun mew.

9.- Aiya = Walmapu wirrintukufe küme norchegeyin, yikankelayin, ilkunkelayin nieyiñ  küme rakiduam küme küzaw iñ am taiñ molfün. Nürüfkei taiñ mongen amun ilkun zuam mew kutran kei piuke taiñ nentual küme zungu norkneafiyiñ mongen kizü, kom itrokom mew femgechi kümeleai walmapu ka inchiñ filke mongen tüfa chi mongen petu ngelai kakel mongen eltun alwe mu.

10.- Mari = kom walmapu wirrintukufe rumelma chilkatuleai tremleayiñ poyenniayin  kom taiñ mongenmu küñe trokin nielu kaküme trokin nienolu welu nielu mongen üñümgelu nor ayün; kuifi aukan mülelu feula welu poyenei küme rupan küñe chapentu che muleai walmapu mew wünmanmu  kalel tripantu ka feula.

11.- Mari küñe = ti wentru kintuai küla che mu kizu ñi weza zeumal. Faw kizu engün kimneaigün ñi püllü kañi kalülmu kizu ñi weza zeumanegun rüf zungumu utraai taiñ kewün lemlem reke tripaai piukemu, mawiza ñi zungu, ñüküfam punmu münülgeai kizuegün utraai taiñ am ayün zungumu. Felei ti walmapu piam kulliafiyiñ feiga.

 

Walmapu wirrintukufe 

kompage tüfa chi trawün mew

Trempepe ti chape eimi yengu fengechi

küme amulepe fil mongen.

 

Luis Arias Manzo

werken wirrintukufe

 

Traducido al idioma Mapuche por Maria Ines Huenuñir Antihuala

 


Desarrollado por: Asesorias Web
s
s
s
s
s
s