s
s
s
s
s
s

El contenido de esta página requiere una versión más reciente de Adobe Flash Player.

Obtener Adobe Flash Player

Khalid benadi
Nacionalidad:
Tamazgha
E-mail:
khalid.benadi@gmail.com
Biografia

AMDA AZEGGWAΓ

 

Amda azeggwaγ issara,

Iḍan msarasen digs iẓri,

Ur ukiγ inzeγ-i waga,

beṛṛa-nnes ammi ur ikki,

Yuder i wumuγ, iga afa,

S agensu-nnes yufes-i,

Ishanceṛ, ur ukizeγ ara,

Nwis da iswaf s yifesti,

Mani-k a dinna g issudda ?!

Iga-yi d asurar g tanegli,

Tifawin da allant ass-a,

I tittal n yizen war iγimi,

tesserkaẓ aγu-nneγ tasa,

Tawla n ukraf d yirgigi,

Ineqqeṛ ameẓẓuγ yiγenka,

Γef umalu n umday bu titi,

Agensu n teqqbut-nnes afa,

N yiγenka d uslay n tgufi.

Ičča iγfawen n tegrawla,

Nnig txwettac n tguni,

Ifesti timitar n umata,

Nγwem s yixittan n yizri,

Tessikel-aγ afriwen tmara,

Mani-k ay asafu n usaddi ?

 

Idir BENΣEDDI

Tizi n Yimnayen

20-12-2960

 

Amawal :

Iẓri : vue, aga : seau, swuf : faire peur, asurar : télé jeux,

serkiẓ : polluer, amday : piège, tagrawla : révolution,

amata : majorité, izri : passé, asafu : flambeau.

 

 

 

DDAW TZEMMURT N UKURMU

 

Iqqiq izdeγ-i a tilelli !

Tala-nnem ur i-tselli,

Tra tabγest d ugari,

 

Tiddukla n yiseggwasen tami,

Yan umdaz ittṭiqqis digi,

Aqraf d tergagit kecment-i,

Saḥla akud n ungaz izri !

 

Imekday ntiγ ad iniγ aεri,

Iseknaf mmeẓdan ul ibbi,

Iwaliwen ur ssikizen titi,

Adres n tmara inγa-yi,

 

Taneglust-inu tugem imeṭṭi,

Taγufi ay udem n tziri !

Ur zmireγ beṭṭu n ugrawli,

Fkiγ-am akud, ur i-iri,

 

Tennegzid-i tulid tizi,

Fad n tussna d tdusi,

Itsen yiεelban zedγen-i,

Ukiγ nwis ur liγ tawuri,

 

Iqqiq izdeγ-i a tilelli !

Tala-nnem ur i-tselli,

Tra tabγest d ugari.

 

Idir BENΣEDDI

Tizi-n-Yimnayen

10-11-2961

 

Amwal (lexique) :

Tazemmurt : olivier ; Tilelli : liberté ; Tabγest : courage ;  Agari : plombe ; Amdaz : bonheur ; Ntu : débuter ; Taneglust : ange ; Agrawli : révolutionnaire ; Akud : temps ; Tadusi : force.

 

 

 

 

 

 

 

 

 

 

 

 

AΓU N TARIR

 

A kemmin lliγ ishiqqiyen taḍṣa,

Γif tayri yugel wul ar ittusetsa !

Ad am-d-ittyazen umkurar n tγessa,

Ad tisind ubuy d unexsis n wulawen,

Fkiγ-am ul d wallen s yifassen,

Azneγ-am-nn tayri ur ittesmuren,

Merrteγ g yigem ixwu waga,

Tiṭ-inu tanni-kem tettu tasga,

Ul iẓẓu titiwat yagi ad izga,

Ttbukkuγ, irgig-i wawal γifem,

Umẓeγ afa n wadγu s wudem,

Tidet n wul-inu ad am-tekkes igem !

Unfeγ ifassen ssutreγ i tawla,

Iγenka am-isswan iẓuran i tala,

Issmuren asemmud i tiddukla,

Ad am-ssirmeγ tudert n ugrures,

Ku tiṭ tawda iwad kem-tames,

Tayri-nu tennegwdem ttukles,

 

 

Idir BENΣEDDI

Tizi-n-Yimnayen

18-10-2961

 

Amawal (lexique) :

Aγu : lait ; Tarir : ogresse ; Amkurar : magique ; Taγessa : squelette ; Aga : ; Adγu : enfer ; Tidet : vérité ; Tala : pleure ; Asemmud : âge ; Ssirem : avoir l’espoir ; Kles : enregister.

 

 

Desarrollado por: Asesorias Web
s
s
s
s
s
s