s
s
s
s
s
s
s

El contenido de esta página requiere una versión más reciente de Adobe Flash Player.

Obtener Adobe Flash Player

Mourad EL KADIRI
Nacionalidad:
Marruecos
E-mail:
Biografia

La Zaouia El Kadiriyya

MOURAD EL KADIRI

En empruntant
ton chemin vers la mosquée
à la porte
tu rencontreras deux larmes
elles sont miennes
Elles célèbrent le jour
de mon échec au bac
laisse-les en paix
dans leur retraite
Et si elles te tendent la main
salue-les
C est moi que tu salues
deux larmes…à la porte
A la porte…deux larmes
Dès que le muezzin appelle à la prière
une larme
une seule
Fait ses ablutions
Indisposée
L autre reste
à la porte
Tendant la main
au passant
plein de reve
venu saluer le poète
et s attendrir sur les larmes
versées
le jour
de son échec au bac

حلـم
الحُلمْ
اللِّي كانْ
بيتو، مُومُّو دْ العينْ
وفْ دمِّي
وريحة ... كانْ
يمكنْ ... دأُمِّي
كِ فاقْ
جَرْ ظَلُّو لبورقراقِْ
يتوظأ مَنِّي ...


خريطـة
ذِيكْ اللِّي حلمت
بْ الشْتَا يكون ليها لونْ
بالضّمة والفتحة والسكونْ
بظل النخلهْ
بوجهْ القبلهْ
بالريحْ
بالدّومْ ... وبْ الشيحْ
بالجنهْ
بأوراق الحنهْ
والغاسولْ
بتسبيحْ الرسولْ
والـبُـراقْ
خـيطْ
عْ الحِيطْ
شْنَقْهَا

طير الله
مراد القادري


دِيرْ شْرَعْ ذَاتَكْ
خَاويِ لْكْلاَمْ ...بَسْكَاتَكْ
و كِ الطَّالعْ فْ صَوْمْعَه
كِ الهابطْ فْ بِيرْ
كُنْ جُوعْ بْلاَ عِينينْ
شَرجَمْ
نْطَلْ مَنُو عْلَى ما بِيَّا
كُنْ ضَوْ ف عِينِيَّا
نَعْبَرْ بِيهْ ... عَتبة الليلْ
كُنْ بْلاَ مَعْنَى
بْغِيتَكْ بنَّهْ ف الْحَلْقْ
رِيحْ ... وريحَهْ
صُورَهْ بالأكحلْ والابيَضْ
كُنْ ف سِيفَةْ الَْمَا
ايْلاَ الْمَا، عندُو شِي سِيفَه
بْغِيتَكْ ... شْتَا مَنْ خِيطْ
لَوَّايَهْ عْ الحِيطْ
اتَّكَاتْ
شَهقَتْ... وبْكَاتْ

كُنْ وردَهْ
لاَ ... لاَ ... لاَ تْكُونْشِي
نْخَافَكْ، تَدْبَلْ دَغيَا فْ كِيسَانْ الزَّاجْ
كُنْ جَرْدَهْ
حَتَّى الجَرْدَهْ، مَا قَالَتْ عِيبْ
الْخَطْوْ الأوَّلْ، فِيهَا كَانْ
الْخَطْوْ الأوَّلْ، فِيهَا يكُونْ
فِيهَا يَاكْ، تَلَّفَتْ اللْسَانْ
وْفِيهَا غْزَالَهْ، نْجِيكْ بْزُوجْ عْيُونْ

شْعَلْنِي ... بْلاَ وقِيدْ
جيني، بْدَمْ دْ الحِيضْ
نْوَلِّي خْزَانَةْ
خِيزْرَانَهْ

جِينِي، بْرَا، رَاكبَهْ ريحْ مَنْ حَدَاكْ
جِينِي ضحكَهْ، بِيضَا، كِ سْنَانْ الثَّلْجْ
كُنْ قطرانْ، أو حْدَجْ
كُنْ
كَاغِيطْ، مِيكَا، أوْ ... كَارْطُونْ



جِينِي، كِيفْ مَّا، بغيتِي تجيني
فَاتْحَهْ، كُنْ
أو جَايْحَهْ، كُنْ
فْ وَجْهْ الكمنجاتْ ... أوِ القَانُونْ.

جِينِي، كِ يِنْعَسْ الظَّلْ
شْتَا، أو تبرُورِي، نْزَلْ
بالحْرُوفْ
هْنَا، حَرْفْ، ينْقََطْ
هْنَا، حَرْفْ، ما ينقََطْ
يَاكْ
قَالُوا: نقطه ... نقطه، يَحْمَلْ الكتابْ
واللامالِيفْ
وَحْدُو اللامالِيفْ يْأَمَرْ
بْ البناتْ، والكَاسْ العَامَرْ
والكلمة الزوينَهْ
صْدَاقْهَا، عْلَى جْبِينْهَا


بغيتْهَا عَاتَقْ
نخلَةْ عاليهْ، نتشعْبَطْ فْ مَعْنَاهَا
فراديَهْ، مالحه، مره، غارقه ... بْلاَ قَاعْ
أصْلَ، مَاشِي، فوطوكُوبي

جينِي مَزْروبَهْ كِيفْ المُوتْ
خفيفَهْ، كِيفْ، الورقة
جيني فْ أوَّلْ لَكْلاَمْ
حَارَّه، فلفلة عافيَهْ، جَهَنَّمْ
جِينِي لاَ مَا لِيفْ
لاَمَالِيفْ ظل اللهْ
لامالِيفْ طيرْ اللهْ
رَفرَفْ بجناحَاتُو
كَانْ، رايْحْ، بْحَالاَتُو
دَازْ عْلِيَا
خَلاَّ، شِي حاجَهْ، مَنُّو فِيَّا
عُنْوَانْ ...؟
يَمْكَنْ
رَقْمْ تِلفُون ...؟
يَمْكَنْ
ويمكَنْ كَلْمَهْ فْ جْوَاهَا
مَا يَعْلَمْ بِهَا
غِيرْ مُولاَها.

Biografía:
مراد القادري
MOURAD KADIRI

مواليد مدينة سلا في 7/5/1965.
- الإجازة في اللغة العربية وآدابها من كلية الآداب والعلوم الإنسانية - جامعة محمد الخامس بالرباط – 1991.
- دبلوم الدراسات العليا المعمقة - جامعة محمد الخامس بالرباط – 2000 .
- عضو اتحاد كتاب المغرب منذ سنة 1994، كاتب عام سابق فرع اتحاد كتاب المغرب لمدينة سلا.
- عضو الهيئة التنفيذية لبيت الشعر في المغرب.
- منتج برنامج [مرمة الكلام] لفائدة الإذاعة الوطنية.
- عضو المجلس الإداري للائتلاف المغربي للثقافة و الفنون.
الإصدارات :
- \'حروف الكف\' سنة 1995 عن دار قرطبة بالبيضاء.
- \'غزيل البنات\' سنة 2005 عن دار أبي رقراق – الرباط [تمت ترجمته إلى اللغة الإسبانية سنة 2006]
- \'طير الله \' سنة 2007 عن دار أبي رقراق – الرباط.
ترجمت أشعاره إلى اللغة الفرنسية و الإسبانية و الإيطالية و الإنجليزية

المشاركات :
- العديد من المهرجانات الشعرية داخل المغرب.
- مهرجان الشباب العربي، شتنبر 1991، بغداد.
- مهرجان شباب حوض البحر الأبيض المتوسط لحوار الثقافات أكتوبر 1998، إسطنبول، تركيا.
- مهرجان الشباب العربي، غشت 1999 الإسكندرية – جمهورية مصر العربية.
- ورشة شباب ومبدعي حوض البحر الأبيض المتوسط، ماي 1999 طليطلة - اسبانيا.
- مهرجان الشعر الشعبي، شتنبر 2003 طرابلس – ليبيا.
- احتفالية حلب عاصمة للثقافة الإسلامية، مارس 2006، سوريا.

Kadiri0072003@yahoo.fr

 

Desarrollado por: Asesorias Web
s
s
s
s
s
s
s