s
s
s
s
s
s

El contenido de esta página requiere una versión más reciente de Adobe Flash Player.

Obtener Adobe Flash Player

Tanirt Requia Touw
Nacionalidad:
Tamazgha
E-mail:
Biografia

yan wass iffawn...

afgan war awtas
am agherabu war aftas
iwdan mlallin jlan
tayri n ulawn
d tummit ka f kkaten
udmawn n tudert
mennaw
am tin wudc
ur ffawn ur llasen

mammu tbandaqn
uccan
arkigh ilkem igenzi
akal?
mad issudan ayyis an
amellal
istara sers akw
ighemran?
mad yukern udlis
n \\\'Machiavel\\\'
ccinet s ull
aderghal?

ghalen is lkemn
is ferken attas
igh ur llin
ur ad nettas
nnan is nbuked
gin tifawt negh
g ugharas
ghalen is laz d irafan
as kessan imeksawn
zegh tasutin n tillas
zegh tirra f izran
igut mad ghalen

ilalen d igenwan
ad merwasen
igeldan
ar agh zzenzan
ar ssaghen
g ugadaz n imaddan
neg akw isemgan
iseggan d imellaln
igh d ider atig negh
ngrud g tifraddn
n umadal

axxayt axxayt
ay afgan
amlad is agh fkan
ad nsti ger izmazn
rad nakwr yan wass
iffawn
war inemghurn
war igwtan

requia touw [tanirt]
safi .

Tasudemt tabercant

Azz imi-nes ak tefsi
S tsudemt tabercant
Tmerkes s tgudi...tagat...
Takat ur inessan
Azz-t han ur tgi taghwzent
A y agdud-nes ighudan
A tasut n isemgan

Ur tgi \\\'tihiya\\\' yurun
Gh tagant
Tsudem tirzi tsalla
Akal
Ur tgi \\\'lalla mira\\\' tagelidt
N ikucar
Tsudem \\\'ass-fi\\\' teg tiremt
I y iselman
Ur tgi \\\'benazir\\\' tadusi
N idurar
Tsudem taghensa...tenazwa
Tg tiferray
D ur ju tgi \\\'xarbuca\\\' isduhdun
Ibarazen
Tad yugeln I lqayd àissa
Tifilut n uzawar
Tsudem afna...imdelt ger
Ighwrban
Issdu fallasen

Azz-t a y iggig iselhassan
Han ur tgit amer tuget
N iwdan
Mmaghen ad ka ccin...
Swin...fessan
Tzulm s usnuhyu...tghwmam
Tdallit I warraw
Kra gh tiwurga yudas
Baghrar
Kra gh tillawt imger
Arwass
Awd tad iserkan tifert ad
Tamellalt
ur tgi amer tafgant sghwrant
ussfan
ad teg afna...tazit
d umadal
ur tgi amer gar anufel
askluns aghanib
abercan
ur tssen ikwlan
ur tmyar igwtan

azz-t ay amadal n
iskrad
ad temdit tasudemt
tabercant.

requia touw [tanirt]
safi .

TUMMENDA

tummenda...tanafalet...
tsbid akud x umadal
tmdel ussfan tsderf imal
tgwna yigenna d wakal
s ifili n tayri...umarg...
issid n ulawn
s usmarghi n w yuran
tfsi y iman
yilih ixfinu ger tiwurga
d tillawt

zrinet allen igwttan
ugint ad llfent i yudman
zund timelli n udfel
x wafa n idraren
awal nes zegh urti n ajig
n war asennan
allenes ill ihennan
tannaytnes tagudi n ijawwan
tifawt n usman

tummenda ...tanafalet...
ingaw fallam
illes inu agnaw
is yi trzzit gegh tifarray
n ufgan
is yi tjlit f ifxinu
gegh sul tazant
f wattan

tummenda ...tanafalet...
ahh! han azuzwu yan
ayhucen s wazar inu
ighawel isli udman
yut iggig tasanu
iggwet issid
sallagh i taghwyyit n iman
x ufessa n id
tsderf twda illes inu
: may gwuran?
mad sul igwuran?

nukez iz d izran f izran
ad ntannay
tifiras x udem n idraren
zmummegen allen i y ixef
n ifis ar allan
nmel i tudert tadsanegh
tawarraght
ihban s wattan
irban tayri n izran
ger tiwwurga d tillawt
tummenda...tanafalet.

requia touw[tanirt]
safi .

biografia:
Tanirt Requia Touw

tanirt tlul gh 10/12/1984 gh tamdint n [asfi] tg s izuran d urin illis n lallas n tmizar [tafraout], ar tara timdyazin d tallasin s tutlayt tamazight !!
ghid agh rad tafim timdyazin d usenflul n requia touw ,li gan assaghns s tmazight [tanirt ] .

tanemmirt .

reqiak@yahoo.fr

 

Desarrollado por: Asesorias Web
s
s
s
s
s
s