s
s
s
s
s

El contenido de esta página requiere una versión más reciente de Adobe Flash Player.

Obtener Adobe Flash Player

Aziz OUACHAIB
Nacionalidad:
Tamazgha
E-mail:
Biografia

IZEDDIG UMUR

Mani tamurt , mani akal-nneγ?
Mani ayenna d-zrin lejdud-nneγ?
Tudert i uyenna ikerz ufus-nneγ!
Ad t-nessew s waman d idammen-nneγ.
Mek yurew isennann winneγ ayed gan,
Yurew tamamt hat is ur da neggan.
Ufiγ-d amaziγ da ttegannan tiwura,
Tiwura n yigenna ad as-cint tisura.
Fad, ur t-kkisen waman n marur;
Uccan d wulli, ur djin akw arur.
Nker; kker ṭṭef tuzzalt g ufus!
Ut aseklu aqurar ad yusus
Iqim-d wakal hat mmuten-as iẓuran!
Aman izeddigen win yiger ameqran
Ad ak-ic irden neγ tuga d uzemmur.
Aweγ,tessiderd’, rrezq ur akw ittesmur!
Awel, tarud’, tessgemd’ ca ifsan
Mar ad idder, txiterd h\'yun-d iẓuran
Iggadey uledjig g ulmu-nneγ ameqran!
Urti-nnaγ g llan yillawen akw εtan
Ajenjariy, azegzaw, awraγ d uzeggaγ
Ku yan ar ittini udem iẓil i wakal-nnaγ
Teg akw timeγriw ir\'wu awd wass-nnaγ.

Wakkudan ass n 13-01-2003/01-01-2953
YARU-T TANUMI[aziz ouachaib]


Nker Ay Amaziγ!

A wann ittinin: Mani nekka? Is nsul ad d-nuγul?
Nniγ-ak: Nekka-tt-nn nella, hat nella nsal ad nili!
Ddant tillas zrint Amaziγ, tuwi-d ad diγ yili,
Issker abadir g temẓin udu tent-ittetta uγyul!
Nniγ-ak akkwen adrar nezdeγ dig-s dac a luḍa!
Ad as-nekkes iselliwen nessukef awd isennann.
A nerẓ ireẓẓan taf ad tessgem εetti Tuda
Tizizwa ad taweγ g uleğig tzayed g iγran.
Ad tarew tamamt issidir ar tessegma Ayt Yafelman!
Ad tağ taṭfi-nnes g ifadden d wulawen i yifsan.
Akal-ddeγ nna d-nufa a yiger ameqqran
Ad dig-ek nkerz irden imenza d mayed iγudan!
A nemger anli d imendi ur idd afar d isennann.
Meqqar ak-iẓil uleğig terẓagem ay alili!
Ira-kwen ugelzim qa k-ibbey issker dig-ek taduli.
Han azazer aqqurar hat afa ayed as-igan.
Zdem-t-id a yelli! Tra-t lkuccet naf lman!
Nniγ-ak ay Amaziγ, asey tazert zuzzer aneṭṭar!
Zizdeg imendi, asi-t ssufeγ-t ammas i unnar!
Dderf ssiweḍ-t-inn i teγzant kud isul ammas i udrar!
Isigniw-ddeγ ibexxan timitar n tegniw
Ad d ur iferreγ unẓar teẓaẓeḍ-t ad tiniḍ ibibiw
Unna mi tenniḍ gat afus a wi iγerm-inew
yini-yak ur k-sulaγ i mayed ittaγen winew
Dγi ay Amaziγ nker,tisineḍ mayed ak-nniγ!
Han ussan ur myaγen,meqqar d amm wass-lliγ
Ferdedda-d hat tulid tifawt-nnek mek triḍ
Issudda wakal,anef allen takezḍ mani nn-triḍ.

Yaru-tt TANUMI g Tiṭṭawin
ass n 30-09-2006/ 2956

ar n snimmir kigan imat-nneγ Σumar dderwic as igan azwel d tnumi n tirra i temdyazt ddeγ.

biografia:
Aziz OUACHAIB

aghenssa@hotmail.com

 

Desarrollado por: Asesorias Web
s
s
s
s
s